inner-page-post-top

कंकाली वनले संरक्षणपछि स्थानीय रोजगारीलाई वृद्धि गर्दे

 

चितवन, ३१ असोज । समुदायलाई वन हस्तान्तरण गरेपछि कंकाली सामुदायिक वन हरियाली हुनुका साथै स्थानीय पर्यापर्यटनमा समेत वृद्धि भएको छ । रातो माटो भएको खाली डाँडोमा समुदायले वृक्षरोपण गरेपछि उक्त ठाउँमा हरियाली छाएको हो । कंकाली सामुदायिक वनमा अहिले वनभोज स्थल, स्वीमिङ पुल, भ्यु टावर लगायतका पर्यटकीय स्थलहरु निर्माण गरिएको छ ।

सामुदायिक वनले स्थानीयलाई आवश्यक पर्ने काठ, दाउरा, घाँससमेत उपलब्ध गराउँदै आएकोले वनको २१औँ परिषद भेलाबाट समेत उक्त वनलाई वैज्ञानिक व्यवस्थापन गर्दै अगाडि बढ्ने निर्णय भएको छ । वनको प्राप्त आम्दानीबाट विपन्न वर्गका उपभोक्ता सदस्यहरुको लागि आयमूलक कार्यक्रम गर्दै अगाडि बढ्ने निर्णय गरिएको छ ।

वनको खाली रहेको भागमा आफ्नै नर्सरीबाट उत्पादित बिरुवा रोप्ने, पहिरोग्रस्त क्षेत्र र नदी उकास कार्यक्रम अन्तर्गत बाँस, अमिलो र अन्य जातका बिरुवाहरु रोपिने जनाइएको छ ।

वनको पर्यापर्यटन विकास कार्यक्रम अन्तर्गत वनभोज स्थलमा भौतिक संरचना थप गरिने, माछा पालन पोखरीमा व्यवस्थित तरिकाले फिसिङ गर्ने, कंकाली माईको मन्दिरको संरक्षण एवम् संवद्र्धन गरिने परिषद् भेलाले निर्णय गरेको छ । कार्यक्रममा लेखा समिति सदस्य बालकृष्ण सापकोटाले लेखा परीक्षण प्रतिवेदन प्रस्तुत गरेका थिए ।

कार्यक्रममा वनका सदस्य नारायण खनालले वार्षिक प्रगति प्रतिवेदन, कोषाध्यक्ष भीमसेन खनालले आगामी वर्षको अनुमानित आयव्यय प्रस्तुत गरेका थिए । कार्यक्रममा नेकपा मालेका मिनबहादुर कार्की, राप्रपाका देवराज कंडेल, माओवादी केन्द्रका रामेश्वर पोखरेल, नेपाली काँग्रेसका रामनाथ न्यौपानेलगायतले मन्तव्य राखेका थिए ।

Single News Button

Nepali Calendar