तेहरान : इरानको बान्दर अब्बास सहरको शाहिद राजाई बन्दरगाहमा भएको विस्फोटमा ५ सय जनाभन्दा बढी घाइते भएका छन्। इरानको सरकारी सञ्चारमाध्यमले दक्षिणी इरानको शाहिद राजाई बन्दरगाहमा ठूलो विस्फोट भएको जनाएको छ।
गार्जियन विस्फोटमा कम्तीमा ५१६ जना घाइते भएको जनाएको छ। शाहिद राजाई इरानको सबैभन्दा ठूलो व्यावसायिक बन्दरगाह हो। बन्दरगाहका अधिकारीहरूले यहाँ धेरै कन्टेनरहरू विस्फोट भएको र त्यसपछि ठूलो आगलागी भएको बताएका छन्।यद्यपि, आगलागीको कारण अझै पत्ता लागेको छैन। सरकारी टेलिभिजनमा प्रसारित तस्बिरहरूमा घटनास्थलबाट धुवाँ निस्किरहेको देखिन्छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
