भरतपुर : तमू प्ये ल्हु संघ चितवनले संस्था स्थापना भएको दुई दशकपछि आफ्नै नाममा जमिन खरिद गरेको छ । भरतपुर महानगरपालिका वडा नं.४ स्थित यज्ञपुरीमा खरिद गरेको एक कठ्ठा जमिन पास गरिएको तमू प्ये ल्हु संघ चितवनका अध्यक्ष विक्रम च्हम्रु तमूले जानकारी दिए । वि.सं.२०६० सालमा संस्थाको चितवन जिल्ला शाखा स्थापना भए पनि आफ्नै जमिन र संरचना नहुँदा प्ये ल्हु संघको नियमित गतिविधि प्रभावित बन्दै आएको थियो ।
त्यसकारण संघले गतवर्षदेखि जमिन खरिद गर्नुका साथै उक्त जमिनमा आवश्यक संरचना निर्माणको लागि अर्थ सङ्कलनको अभियान सञ्चालन गरेको थियो । अर्थ सङ्कलनको कार्यक्रम चल्दै गर्दा हालै जग्गाधनी पुर्जा प्राप्त गरिएको अध्यक्ष तमूले बताए । प्ये ल्हु संघको चितवन जिल्ला समितिको उद्देश्यलाई सबैको सहयोगमा पूरा गर्न सम्भव भएको उनले बताए । जमिन खरिद गरिए पनि त्यसमा आवश्यक क्होइबो धीँसहितको संरचना निर्माण गर्ने अर्को चुनौती जारी रहेको हुँदा अर्थ सङ्कलन अभियानलाई निरन्तरता दिइरहेको उनले बताए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
