काठमाडौं : फौजदारी मुद्दामा पक्राउ पुर्जी जारी भएपछि फरार रहेका प्रभु बैंकका प्रमुख कार्यकारी अधिकृत (सीईओ) सुमन शर्माले आत्मसमर्पण गरेका छन्।शर्मा आज जिल्ला अदालत पर्सामा उपस्थित हुने गरी आत्मसमर्पण गरेका हुन्। पक्राउ पुर्जी जारी भएपछि प्रहरीले उनलाई खोजी गरिरहेको थियो। अहिले उनी प्रहरी नियन्त्रणमा छन् भने केही बेरमा पर्सा जिल्ला अदालतमा उपस्थित गराइँदैछ।तत्कालीन सनराइज बैंकसँग सम्बन्धित कर्जा प्रकरणमा शर्मा सहित चार जनाविरुद्ध पर्सा जिल्ला अदालतमा ठगी तथा आपराधिक विश्वासघातसम्बन्धी मुद्दा दर्ता भएको थियो।
अदालतले अनुपस्थित प्रतिवादीहरूका नाममा पक्राउ पुर्जी जारी गरेको थियो।शर्माविरुद्धको मुद्दामा आज अदालतमा थुनछेक बहस हुने भएको छ। बहसपछि अदालतले उनलाई धरौटी माग गरी छाड्ने, साधारण तारेखमा रिहा गर्ने वा पुर्पक्षका लागि कारागार चलान गर्ने आदेश दिन सक्नेछ।मुद्दा दर्ता भएपछि आरोप प्रमाणित भएको अर्थ नलाग्ने भएकाले अन्तिम निर्णय भने न्यायिक प्रक्रियाबाट हुने छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
