चितवन : राष्ट्रिय स्वतन्त्र पार्टी (राष्ट्रिय स्वतन्त्र पार्टी) को चितवनमा जारी प्रथम राष्ट्रिय महाधिवेशनअन्तर्गत केन्द्रीय सदस्य पदका लागि संस्थापक नेता मोहन थापाले आफ्नो उम्मेदवारी दर्ता गराएका छन्। गण्डकी प्रदेशको भूगोलतर्फबाट प्रतिनिधित्व गर्दै थापा केन्द्रीय नेतृत्व चयन प्रक्रियामा प्रतिस्पर्धामा उत्रिएका हुन्।
पार्टी स्थापनाकालदेखि नै सक्रिय भूमिका निर्वाह गर्दै आएका थापा रास्वपाका संस्थापक सदस्यसमेत हुन्। पार्टी सभापति रवि लामिछानेले दल गठनको प्रारम्भिक चरणमा नेतृत्व सम्हालेका बेला उनी पनि केन्द्रीय संरचनामा सक्रिय रहेका थिए।
उम्मेदवारी दर्तापछि नेता थापाले महाधिवेशन प्रतिनिधि तथा मतदाताहरूसँग भेटघाटलाई तीव्र बनाएका छन्। उनले विभिन्न प्रतिनिधिहरूसँग भेट गर्दै आफ्नो पक्षमा मतदान गर्न आग्रह गरिरहेका छन्। थापाले पार्टीको संगठनात्मक सुदृढीकरण, आन्तरिक संरचनाको मजबुतीकरण तथा भावी कार्यदिशालाई प्रभावकारी बनाउन आफ्नो भूमिका महत्वपूर्ण हुने विश्वास व्यक्त गर्दै सम्पूर्ण महाधिवेशन प्रतिनिधिहरूसमक्ष समर्थनका लागि हार्दिक अपिल गरेका छन्।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
