काठमाडौं : परराष्ट्र मन्त्रालयका सहसचिव पुष्पराज भट्टराई पक्राउ परेका छन्। नेपाल प्रहरीको केन्द्रीय अनुसन्धान ब्यूरो (सीआईबी) ले सोमबार दिउँसो उनलाई पक्राउ गरेको हो।
तिब्बती शरणार्थीका नाममा गैरकानुनी रूपमा यात्रा अनुमतिपत्र (ट्राभल डकुमेन्ट) जारी गरेको आरोपमा भट्टराईविरुद्ध गत सोमबार जिल्ला सरकारी वकिल कार्यालय, काठमाडौंले जिल्ला अदालत काठमाडौंमा राहदानी कसुरसम्बन्धी मुद्दा दायर गरेको थियो।
मुद्दा दायर हुँदा भट्टराई अदालतमा उपस्थित नभएकाले अदालतबाट पक्राउ पुर्जी जारी गरिएको जनाइएको छ। सोही पक्राउ पुर्जीका आधारमा सीआईबीले उनलाई सोमबार नियन्त्रणमा लिएको हो।
यस प्रकरणमा अदालतबाट थप कानुनी प्रक्रिया अघि बढाइने प्रहरीले जनाएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
