काठमाडौं : सरकारले खुलाएको छात्रबृत्तिमा समेत सिट खाली हुन थालेको छ । प्रधानमन्त्री केपी शर्मा ओलीले नै सिट खाली भएको भन्दै आवेदन दिन आग्रह गरेपछि छात्रबृत्तिमा पनि सिट खाली हुन थालेको पुष्टि भएको हो ।
प्रधानमन्त्री ओलीले सामाजिक सञ्जाल फेसबुकमार्फत छात्रवृत्तिका लागि आवेदन दिन विद्यार्थीलाई आग्रह गरेका छन् । शिक्षा मन्त्रालयबाट विभिन्न विषयको छात्रवृत्तिका लागि आवेदन खुलाइएकोमा आवश्यक संख्या नपुगेका भन्दै प्रधानमन्त्री ओलीले आवेदन दिन विद्यार्थीलाई अनुरोध गरेका हुन् ।
अन्डर ग्राजुएट एमबीबीएस १ जना, पोस्ट ग्राजुएट इन्जिनियरिङमा ७ जना, एग्रीकल्चरमा ३ जना, पीएचडी इन्जिनियरिङमा १ जना, भेटेरिनरीमा १ जना, आइटीमा ४ जना, मेडिकल साइन्समा २ जना र कन्जरभेसन १ जनाको सिटमा खाली रहेको छ ।प्रधानमन्त्री ओलीले फेसबुकमा ‘जानकारीका लागि’ भन्दै लेखेको स्टाटसमा छिटो भन्दा छिटो आवेदन दिन आग्रह गरेका छन् ।
ओलीले लेखेका छन्–‘शिक्षा मन्त्रालयबाट विभिन्न विषयको छात्रवृत्तिका लागि आवेदन खुलाइएकोमा आवश्यक संख्या नपुगेका कारण अन्डर ग्रयाजुएट एमबीबीएस १ जना, पोस्ट ग्रयाजुएट इन्जिनियरिङमा ७ जना, एग्रीकल्चरमा ३ जना, पीएचडी इन्जिनियरिङमा १ जना, भेटेरिनरीमा १ जना, आइटीमा ४ जना, मेडिकल साइन्समा २ जना र कन्जरभेसन १ जनाको सिट अझै खाली रहेको सूचना पाएको छु। खाली रहेका सिटमा छात्रवृत्तिको लागि छिटो भन्दा छिटो ९एकदुई दिनभित्रै० आवेदन दिनुहोला। आवेदन पठाउने ठेगाना यहाँ राखिएको छ। secretariat.education@moest.gov.np’
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
