काठमाडौँ :अभिनेता कुन्साङ बमजन र उपासना सिंह ठकुरीको रोमान्स फिल्ममा देख्न पाइने भएको छ ।
‘सुम्निमा’ फिल्मका लागि निर्माण पक्षले अभिनेताको रुपमा बमजन र अभिनेत्री ठकुरी फाइनल गरेसँगै यी दुवैको रोमान्स निश्चित भएको हो । बमजनले यसअघि फिल्म ‘दान्भी’ अभिनय गरेका थिए भने ठकुरीले केही फिल्म अभिनय गरिसकेकी छन् ।
फिल्म मिलन चाम्सले निर्देशन गर्न लागेका हुन् । गोर्खा फिल्म्स र चाम्स इन्टरटेन्मेन्टको संयुक्त लगानीमा निर्माण हुने फिल्म बिशुद्ध प्रेमकथामा बन्न लागेको हो ।
फिल्मका अन्य कलाकार र प्राविधिक टिम छनोटका क्रममा छन् । निर्देशक चाम्सका अनुसार युनिसर्भल कथा र अन्तर्राष्ट्रिय बजारलाई ध्यानमा राख्दै यो फिल्म तयार गर्न लागिएको हो । राजीव थापाको लेखन रहेको फिल्म आगामी अगस्टमा लण्डन र नेपालमा छायांकन हुने बताइएको छ । चाम्सद्वारा निर्देशित ‘अञ्जिला’ केहीअघि प्रदर्शनमा आएको थियो ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
