काठमाडौँ : अभिनेता जीवन लुइँटेलले आफु अब नेपाली फिल्ममा पनि कमब्याक गर्ने बताएका छन् ।
कान्तिपुर थिएटरको प्रस्तुतिमा साउनको ८ गतेबाट मञ्चन हुन लागेको नाटक ‘शिरिषको फूल’ अभिनय गर्न नेपाल आएका लुइँटेलले राम्रो कथाको फिल्म पाए अभिनय गर्ने बताए ।
नेपाली फिल्मको प्रगति र विकासमा निकै खुसी देखिएका उनले ‘शिरिषको फूल’ नाटकको ‘सुयोगवीर’ पात्रको भूमिकाले आफूलाई तानेको सुनाए । ‘अहिले नाटकमा मेरो आत्मा बसेको छ । केही फिल्मबाट अफर नआएको होइन । तर, भूमिकाले तान्न सकेन । तान्न सक्नेआए फिल्म पनि अभिनय गर्छु’, उनले भने ।
हुन त बजारमा उनी ‘नाइँ नभन्नु ल ७’बाट कमब्याक गर्न लागेको चर्चा चलेको छ । यस विषयमा निर्देशक विकासराज आचार्यसँग कुराकानी चलिरहेको उनले सुनाए । फिल्म अभिनयलाई निरन्तरता दिने सोच आफ्नो रहेको समेत उनले सुनाए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
