गुइझोउ : चीनको पर्वतीय गुइझोउ प्रान्तमा नयाँ 'लु'आन एक्सप्रेसवे' निर्माणको तरिका अहिले व्यापक रूपमा चर्चा र विवादको विषय बनेको छ। सामान्यतया पहाड भित्र टनेल खनेर वा वरिपरि बाटो बनाउने प्रचलन भए पनि यहाँका इन्जिनियरहरूले सीधै पहाडको टुप्पो काटेर सडकको लागि ठाउँ बनाएका छन्।
यो एक्सप्रेसवे हालै बन्न लागेको विश्वकै सबैभन्दा अग्लो पुल - हुआजियाङ ग्रान्ड क्यानियन ब्रिज (बीपन नदीको माथि ६२५ मिटर / २,०५१ फिट) – मा पुग्ने मुख्य मार्ग हो। गुइझोउ प्रान्तको करिब ९२% भूभाग पहाड र चट्टानले ढाकिएको छ, जसले यात्रा कठिन बनाउँछ। यही कारण यी संरचना निर्माण गरिएको हो।
तर, यस्तो 'सीधै पहाड काट्ने' प्रविधि वातावरणीय दृष्टिले धेरै आलोचना भोगिरहेको छ। योजनाकारहरूले यसलाई अनिवार्य उपाय भन्दै बचाउ गरेका छन्, तर पर्यावरणविद्हरूले भने टनेल वा अन्य कम क्षतिकारक विकल्प पनि सम्भव भएको दाबी गरेका छन्।
रेडिट लगायत सामाजिक सञ्जालमा यसबारे बहस चर्किएको छ–कसैले यसलाई चीनको अद्भुत पूर्वाधार क्षमताको प्रमाण भनेका छन् भने कसैले सम्पूर्ण पहाडको स्वरूप बिगार्ने अत्यधिक कदम भनेका छन्।यसअघि चीनमा 'रिभर हाईवे' र 'विश्वकै सबैभन्दा डर लाग्दो' भनिने सस्पेन्सन ब्रिज जस्ता संरचनाले पनि विश्वको ध्यान खिचेका थिए।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
