काठमाडौँ : त्रिभुवन अन्तर्राष्ट्रिय विमानस्थल सुरक्षा कार्यालयमा कार्यरत प्रहरी हवल्दार कर्ण बहादुर सुनारलाई प्रहरीले पक्राउ गरेको छ । कीर्तिपुरमा एकजना पुरुषको ६० लाख लुटमा संलग्न आरोपमा उपत्यका अपराध अनुसन्धान कार्यालयबाट खटिएको टोलीले उनलाई पक्राउ गरेको हो ।
‘सस्तो दरमा बिल सहितका सुन दिन्छौँ’ भनेर एउटा समूहले पीडितलाई कीर्तिपुर बोलाएका थिए । माघ १४ मा कीर्तिपुर स्थित एबीगाडो क्याफेमा पुगेपछि पीडितलाई हवल्दार सुनार नेतृत्वको समूहले ‘हामी सीआईबीको प्रहरी हौं’ भन्दै उनीसँग भएको ६० लाख डाँकाचोरी गरेर भागेको प्रहरीको प्रारम्भिक अनुसन्धानबाट थाहा भएको छ ।
३८ वर्षीय हवल्दार नवलपरासी कावासोती–१३ का स्थानीय हुन् । लुटमा संलग्न अन्य ३ जनालाई पनि प्रहरीले पक्राउ गरेको छ । घटनाबारे अनुसन्धान भइरहेको उपत्यका अपराध अनुसन्धान कार्यालयका प्रवक्ता (एसपी) रामेश्वर कार्कीले जानकारी दिए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
