काठमाडौँ : काठमाडौँ उपत्यका अपराध अनुसन्धान कार्यालयको टोलीले विदेश पठाउने भन्दै २३ लाख ६५ हजार रुपैयाँ ठगी गर्ने तीन जनालाई पक्राउ गरी सार्वजनिक गरेको छ।
पक्राउ पर्नेमा चितवनको रत्ननगर नगरपालिका–१ का ५० वर्षीय युवकराज पराजुली, दोलखाको जिरी नगरपालिका–३ का ३४ वर्षीय टङ्कबहादुर खड्का तथा सुनसरीको धरान उपमहानगरपालिका–६ का ३४ वर्षीय मनिष पोदार रहेको उपत्यका अपराध अनुसन्धान कार्यालयका प्रहरी उपरीक्षक सुरतकुमार थापा क्षेत्रीले जानकारी दिए।उनले भने, ‘पक्राउ परेकामध्ये पराजुलीले न्यूजिल्यान्ड पठाउने भन्दै १६ लाख ६५ हजार, खड्काले लिथुआनिया पठाउने भन्दै पाँच लाख तथा पोदारले बेलायत पठाउने भन्दै दुई लाख रकम लिई विदेश नपठाई सम्पर्कविहीन भएको उजुरीका आधारमा पक्राउ गरिएको हो।’
पक्राउ परेका तीनै जनालाई थप अनुसन्धान तथा आवश्यक कारबाहीका लागि वैदेशिक रोजगार विभाग ताहाचल पठाइएको प्रहरी उपरीक्षक थापा क्षेत्रीले बताए।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
