चितवन : नारायणगढ-मुग्लिन-काठमाडौँ सडकखण्डमा राति सवारी आवागमन बन्द गरिएको छ । जिल्ला प्रशासन कार्यालय चितवनले सूचना जारी गर्दै आज राति १० बजेदेखि अर्को सूचना जारी नहुँदासम्म नारायणगढ-मुग्लिन-काठमाडौँ सडकखण्डमा सवारी आवागमन बन्द गरिएको जानकारी दिएको हो ।
धादिङलगायतका छिमेकी जिल्लाहरू तथा यस जिल्लाका विभिन्न स्थानहरूमा समेत पानी पर्न थालेको र पानी पर्ने क्रम अझै बढ्ने पूर्वानुमान रहेको छ । रातको समयमा सवारी आवागमन सुचारु राखिरहँदा हुनसक्ने जोखिम समेतलाई मध्यनजर गरी आज राति १० बजेदेखि अर्को सूचना प्रकाशित नभएसम्मका लागि नारायणगढ-मुग्लिन-काठमाडौं सडक खण्डमा चल्ने सबै प्रकृतिका सवारी साधनहरूको आवागमनमा रोक लगाइएको ब्यहोरा सबैमा जानकारी गराइन्छ, प्रमुख जिल्ला अधिकारी गणेश अर्यालद्वारा जारी सूचनामा भनिएको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
