काठमाडौँ : जेनजी आन्दोलन हुँदा डिल्लीबजार कारागारबाट भागेका सिबी लामालाई प्रहरीले मंगलबार पक्राउ गरेको छ । उनी मकवानपुरको हेटौँडाबाट पक्राउ परेका हुन् ।
कान्तिपुर सेभिङ्गका अध्यक्ष रहेका चन्द्र बहादुर तामाङ ‘सिबी लामा’ सहकारी ठगी मुद्दामा पुर्पक्षका लागी थुनामा थिए । कान्तिपुर सेभिङ्ग र पशुपति सेभिङ्गको बचत रकम अपचलन मुद्दामा अदालतले उनलाई पुर्पक्षका लागी थुनामा राख्न आदेश गरेको थियो ।
उनलाई हेटौँडा बजारबाट पक्राउ गरिएको जिल्ला प्रहरी कार्यालय मकवानपुरका डीएसपी माधव काफ्लेले रातोपाटीलाई बताए । उनले भने, ‘पक्राउ गरेर थप कुराहरू बुझ्दै छौँ ।’
कान्तिपुर सेभिङ्गमा सर्वसाधारणले बचत गरेको १ अर्ब ५१ करोड ८५ लाख ५२ हजार अपचलन गरेको प्रहरीको अनुसन्धान निष्कर्ष छ । पशुपति सेभिङ्गको पनि करिब १२ करोड रुपैयाँ अपचलन भएको अनुसन्धानबाट खुलेको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
