मुम्बई : बलिउड अभिनेत्री कटरीना कैफ चाँडै नै आमा बन्ने भएकी छिन्। यसैबिच, पहिलो पटक बुबा बन्न लागेका अभिनेता विक्की कौशल बुबा बन्न निकै उत्साहित छन्।
हालै एक युवा कन्क्लेभमा पुगेका विक्कीले पहिलो पटक यो नयाँ सुरुवातबारे बोलेका छन् र कटरीनाको डेलिभरी चाँडै हुने सङ्केत दिएका छन्। विक्की कौशललाई बुबा बन्नका लागि सबैभन्दा बढी कुन कुराको प्रतीक्षा गरिरहनुभएको छ भनेर सोध्दा उनले भने- ‘सिर्फ बुबा बन्ने कुराको, मलाई लाग्छ यो धेरै ठुलो आशिष् हो। निकै उत्साहजनक समय छ। बस, हुन मात्रै बाँकी छ।’ उनले घरबाट बाहिरै ननिस्कने कुरा पनि जोडे।
कटरीना र विक्कीले सेप्टेम्बर २३ मा अभिभावक बन्न लागेको घोषणा गरेका थिए। उनीहरूले एक सुन्दर तस्बिर साझा गर्दै लेखेका थिए, ‘खुसीले भरिएका हृदयहरू र आभारका साथ हामी आफ्नो जीवनको सबैभन्दा सुन्दर अध्याय सुरु गर्न गइरहेका छौँ।’ मिडिया रिपोर्टहरूमा कटरीनाको डेलिभरी अक्टोबरको मध्यमा हुन सक्ने दाबी गरिए पनि, दम्पतीले डेलिभरी मितिबारे कुनै आधिकारिक जानकारी दिएका छैनन्।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
