मनाङ : नेपालका उच्च हिमाली जिल्ला मनाङ, मुस्ताङ, डोल्पा र मुगुमा परेको लगातार हिउँपातले याक र चौँरी पालनमा गम्भीर असर परेको छ। बाक्लो हिउँका कारण चौँरीहरूले घाँस र दाना पाउन नसक्दा किसानहरू समस्यामा परेका छन्।
स्थानीय किसानहरूका अनुसार यस वर्ष असामयिक रूपमा हिउँ परेको हो। “यो पाल हिउँ छिट्टै पर्यो, चौँरीहरूलाई घाँस छैन, दाना ल्याउन बाटो नै बन्द छ,” मनाङका किसान तेन्जिङ लामाले भने। घाँस र पानीको अभावमा चौँरीहरू कमजोर हुँदै मर्ने क्रम सुरु भएको किसानहरूको गुनासो छ। हिमाली क्षेत्रका अधिकांश परिवारको मुख्य आम्दानी स्रोत चौँरी पालन भएकाले निरन्तर हिउँपातले आर्थिक संकट निम्त्याएको छ।
पशु सेवा विभागका विज्ञले चौँरीको स्वास्थ्यका लागि तत्काल राहत र दाना सहयोग आवश्यक रहेको बताएका छन्। “ढिलाइ भए ठूलो क्षति हुन सक्छ,” विज्ञले चेतावनी दिएका छन्। सरकारले राहत तयारीमा रहेको बताएको छ, तर किसानहरूका अनुसार सहयोग पुग्न ढिलो हुने र तत्काल संकट समाधान कठिन रहेको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
