सिरहा : सिरहामा प्रहरीले ठूलो परिमाणमा प्रतिबन्धित लागूऔषध गाजा बरामद गरेको छ । कर्जन्हा नगरपालिका-११ बाट प्रहरीले २ सय ७६ किलो गाँजा बरामद गरेको हो ।
इलाका प्रहरी कार्यालय, मिर्चैयाबाट प्रहरी निरीक्षक जीवकान्त चौधरी नेतृत्वको टोलीले शनिबार साँझ कर्जन्हा नगरपालिकाको कार्यालयभन्दा करिब ३ सय मिटर पर रहेको झाडीमा ११ वटा प्लास्टिकका बोरामा प्याक गरिएको अवस्थामा उक्त गाँजा बरामद गरेको प्रहरीले जनाएको छ ।
त्यहाँबाट बरामद गरिएका गाँजा मिर्चैयामा ल्याएर राखिएको र थप अनुसन्धान कार्य भइरहेको जिल्ला प्रहरी कार्यालय, सिरहाका प्रवक्ता डीएसपी रमेशबहादुर पालले जनाए ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
