काठमाडौँ : विशेष अदालतले टेरामक्स खरिदमा नेपाल दूरसञ्चार प्राधिकरणका तत्कालीन अध्यक्ष दीगम्बर झासहित तीन जनालाई दोषी ठहर गरेको छ। न्यायाधीशहरू हेमन्त रावल, डिल्लीरत्न श्रेष्ठ र उमेश कोइरालाको इजलासले प्राधिकरणका तत्कालीन अध्यक्ष दीगम्बर झा, सदस्यहरू धनराज ज्ञवाली र टीका उप्रेतीलाई दोषी ठहर गरेको हो।
अदालत प्रशासनका अनुसार उनीहरूलाई ६ महिना कैद र ५० हजार जरिबाना हुने ठहर भएको छ। अदालतले अध्यक्ष रहेको भन्दै झालाई भने थप ६ महिना कैद सजाय सुनाएको छ।
विशेष अदालतले उक्त मुद्दामा पूर्वसञ्चारमन्त्री एवम् कांग्रेस नेता मोहनबहादुर बस्नेतलाई भने सफाइ दिएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
