जनकपुरधाम : सिरहाको बरियारपट्टी गाउँपालिका–३ नवटोलीमा माटोमा पुरिएको अवस्थामा सकेट बम फेला परेको छ।स्थानीयवासीले शंकास्पद वस्तु देखेपछि तत्काल प्रहरीलाई खबर गरेका थिए। खबर पाउनासाथ इलाका प्रहरी कार्यालय र नेपाली सेनाको टोली घटनास्थल पुगिसकेको जिल्ला प्रहरी कार्यालय सिरहाका प्रहरी निरीक्षक नरेश लिम्बुले जानकारी दिए।
प्रहरी निरीक्षक लिम्बुका अनुसार फेला परेको वस्तु कुन प्रकृतिको र कति पुरानो बम हो भन्ने विषयमा नेपाली सेनाको डिस्पोजल टोलीले गर्ने प्राविधिक परीक्षण र अनुसन्धानपछि मात्रै यकिन हुनेछ।
हाल उक्त क्षेत्रलाई सुरक्षा निकायले आफ्नो नियन्त्रणमा लिएर थप अनुसन्धान अघि बढाएको छ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
