खैरहनी : बाढी तथा डुबानबाट प्रभावित नागरिकको राहत तथा उद्धारका लागि उद्योग वाणिज्य संघ खैरहनीले १ लाख ४२ हजार रुपैयाँ सहयोग गरेको छ ।
संघले संकलन गरेको रकम नेपाल उद्योग वाणिज्य महासंघको खातामा जम्मा गरिनेछ । महासंघमार्फत उक्त रकम प्रधानमन्त्री दैवी प्रकोप उद्धार तथा राहत कोषमा जम्मा गरिने संघका कार्यवाहक अध्यक्ष अर्जुन लम्सालले जानकारी दिए ।
लम्सालका अनुसार संघले गरेको यो सहयोग पहिलो चरणको हो । बाढी तथा डुबानबाट प्रभावित नागरिकलाई थप राहत उपलब्ध गराउने उद्देश्यले दोस्रो चरणमा समेत सहयोग संकलन तथा वितरण गरिने उनले बताए ।
संघले विपद्का कारण प्रभावित नागरिकको राहत र उद्धारमा आफ्नो तर्फबाट निरन्तर सहयोग गर्ने जनाएको छ ।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
