नयाँ दिल्ली : भारतका विदेश सचिव विक्रम मिश्रीले पाकिस्तानद्वारा ‘भारतको पूर्वाधारमा आक्रमण’ गरेको भन्ने दाबीलाई 'झूटो' भनेका छन् ।शनिबार आयोजित पत्रकार सम्मेलनमा उनले भने, ‘भारतको महत्वपूर्ण पूर्वाधार, ऊर्जा प्रणाली, साइबर प्रणाली आदिमा ठूलो मात्रामा आक्रमण गरी नष्ट गरिएको दाबी पूर्णतया गलत छ।’
विदेश सचिव विक्रम मिश्रीले भने, ‘म तपाईंहरू सबैलाई अपील गर्दछु, कृपया पाकिस्तान सरकारले फैलाएको गलत कथाबाट भ्रमित नहुनुहोस्। पाकिस्तानी अधिकारीहरूले भारतले श्री अमृतसर साहिबतर्फ मिसाइल प्रहार गरेको भन्ने हास्यास्पद दाबी पनि गरिरहेका छन्। भारतलाई विभाजन गर्ने यी कमजोर प्रयासहरू असफल हुने निश्चित छ।’
भारतले अफगानिस्तानमा भारतीय क्षेप्यास्त्र प्रहार गरेको पनि पाकिस्तानले आरोप लगाएको थियो। यी आरोपहरूलाई अस्वीकार गर्दै विक्रम मिश्रीले भने, ‘ भारतीय क्षेप्यास्त्रहरूले अफगानिस्तानलाई लक्षित गरेका छन् भन्ने फेरि पनि यो पूर्णतया हास्यास्पद दाबी हो ।’उनले थपे, ‘यो पूर्णतया आधारहीन आरोप हो र म यति मात्र भन्न चाहन्छु कि अफगानी जनतालाई कुन देशले गत डेढ वर्षमा धेरै पटक अफगानिस्तानमा नागरिक र नागरिक पूर्वाधारलाई लक्षित गरेको छ भनेर सम्झाउनु आवश्यक छैन।’
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
