रसुवा : भोटेकोसी बाढीपछि नेपाल–चीन सीमा क्षेत्रतर्फ बेपत्ताको खोजी तथा उद्धार कार्य थप चुनौतीपूर्ण बनेको छ। सीमा नजिकैको ग्यिरोङ पोर्ट (Gyirong Port) जाने क्षतिग्रस्त सडक सञ्चालनमा ल्याउन चिनियाँ उद्धारकर्मी, अग्निनियन्त्रक तथा सडक मर्मत टोलीले जोखिम मोलेर काम गरिरहेका छन्।
लगातारको वर्षा, पहिरोको जोखिम तथा सीमा क्षेत्रमा बनेको जोखिमपूर्ण तालका कारण उद्धार कार्यमा थप चुनौती देखिएको हो। सम्भावित थप पहिरो तथा अन्य भौगर्भिक विपद्को जोखिमसमेत रहेकाले उद्धार टोलीले उच्च सतर्कता अपनाएका छन्।
चिनियाँ अधिकारीहरूले सीमा क्षेत्रमा पहिरोका कारण बनेको बाँध ताल (Barrier Lake) फुट्न सक्ने सम्भावनाप्रति सचेत गराउँदै उच्च सतर्कता अपनाएका छन्।
ताल फुटेमा नदीको बहाव अचानक बढ्न सक्ने भएकाले आसपासका क्षेत्रमा उद्धार तथा राहत कार्यसमेत प्रभावित हुन सक्ने जोखिम रहेको बताइएको छ। यसैकारण चिनियाँ उद्धार तथा सुरक्षा टोलीले जोखिमको निरन्तर मूल्यांकन गर्दै खोजी तथा उद्धार कार्य अघि बढाइरहेका छन्।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
