हेटौँडा — बागमती गाउँपालिकामा १०४ जना सुकुम्वासी र भूमिहीन दलित परिवारले जग्गाधनी प्रमाण पुर्जा (लालपुर्जा) प्राप्त गरेका छन्। वडा १ का ४३, वडा २ का ३० र वडा ६ का ३१ जनालाई कात्तिक २६–२७ गते पुर्जा वितरण गरिएको हो।
गाउँपालिका अध्यक्ष सर्केश घलानले भूमि अधिकार प्रत्येक नागरिकको आधारभूत हक भएको बताउँदै, भूमिहीन र सुकुम्वासी परिवारको सुरक्षित बसोबास सुनिश्चित गर्न यो कदम चालिएको बताए।
हालसम्म गाउँपालिकाले तीन चरणमा १५४ परिवारलाई पुर्जा वितरण गरिसकेको छ। बाँकी वडा ७ र ९ मा नापजाँच कार्य जारी छ। पुर्जा पाएपछि स्थानीयवासीले बैंक र अन्य कामहरू सजिलै गर्न सक्ने हुँदा खुसी व्यक्त गरेका छन्।
© 2026 All right reserved to saurahaonline.com | Site By : Sobij
© 2026 All right reserved to saurahaonline.com | Site By : Sobij
